एजेन्सी। कोरोना भाइरसविरुद्धको खोप बिक्रीमा भएको नाफाबाट नौजना अर्बपति थपिएका छन्। थपिएका अर्बपतिमा मोडर्नाका प्रमुख स्टीफन बेन्सल, बायोएनटेकका प्रमुख उगर साहिन, कैनसिनो बायोलोजिक्सका तीन सह-संस्थापकलगायत छन्।
यी नौजना अर्बपतिसँग १९.३ अर्ब अमेरिकी डलर (२२ खर्ब २७ अर्ब रूपैयाँ) रहेको छ। खोपको पेटेन्ट राइट्स हटाउन माग गरिरहेको पिपुल्स भ्याक्सिन समूहले यो खुलासा गरेको हो।