काठमाडौं। अन्तराष्ट्रिय एकीकृत पर्वतीय विकास केन्द्र (इसिमोड)का अनुसार नेपालका २० वटा हिमतालहरु विस्फोटको जोखिममा रहेका छन्। जलवायु परिवर्तनका कारण हिमतालहरु विस्फोटको नजिक रहेको जनाइएको हो।
नेपालमा करिब ३२५२ हिमनदी र २३२३ हिमतालहरु छन् । धेरै जसो हिमनदीहरुको आकारमा परिवर्तन आइसकेको इसिमोडले जनाएको छ। विभिन्न अध्ययनका अनुसार नेपालमा हिमनदीहरु द्रूत गतिमा पग्लिँदै गइरहेका छन्।
नेपालमा सन् १९९७ देखि नै हिमताल विस्फोट भएर क्षति पुर्याउँदै आएको छ । त्यसयताको २४ वर्षको अवधिमा २६ वटा हिमताल विस्फोट भएको छ । त्यसमध्ये १४ वटा नेपालभित्रैका हिमताल फुटेका छन् । नेपालले वर्षाैंदेखि प्राकृतिक प्रकोपबाट ठूलो मानवीय र भौतिक क्षति बेहोर्दै आएको छ ।