काठमाडौं । ट्वीटर, फेसबुकलगायत सामाजिक सञ्जालले प्रतिबन्ध लगाएका अमेरिकाका पूर्वराष्ट्रपति डोनाल्ड ट्रम्पले आफ्नै वेबसाइट खोलेका छन्।

अनलाइनमार्फत् सञ्चार गर्न ट्रम्पले डोनाल्डजेट्रम्प.कम वेबसाइट सुरू गरेका हुन्। उक्त वेबसाइटमा ट्रम्पका तस्बिर, भिडिओ र उनका सन्देशहरू समावेश गरिएका छन्। ट्रम्पले त्यहाँ गरेका पोष्टलाई फेसबुक र ट्वीटरमा सेयर गर्न मिल्ने बनाइएको छ। तर पोष्टमा कमेन्ट गर्ने सुविधा भने छैन।

वेबसाइटमा ट्रम्पले नयाँ पोष्ट गर्नासाथ नोटिफिकेसन आउने गरी साइन इन गर्न मिल्ने अप्सन पनि राखिएको छ।