काठमाडौं । सरकारले आर्थिक वर्ष २०७८–७९ को बजेट मार्फत् कर्मचारीको तलब दुई हजार रुपैयाँ बढाएको छ । आगामी साउन १ देखि नयाँ तलब लागू हुनेछ ।
नयाँ तलब अनुसार निजामती कर्मचारीमा सबैभन्दा उपल्लो तह मुख्यसचिवको तलब ६७ हजार एक सय ३६ रुपैयाँ पुगेको छ । त्यस्तै, सबैभन्दा तल्लो तह खरिदारको तलब २८ हजार ६ सय चार रुपैयाँ हुनेछ ।
यस्तै सचिवको ६२ हजार ६ सय ७६, सह सचिवको ४९ हजार ३ सय ७७, उपसचिवको ४२ हजार ३ सय ८०, शाखा अधिकृतको ३७ हजार ९ सय ९० र नायव सुब्बा ३० हजार २ सय रुपैयाँ पाउने छन ।