काठमाडौं ।धादिङको सदरमुकाम धादिङबेसीमा संचालित सहिद मेमोरियल अस्पतालले नयाँ व्यवस्थापनमा औपचारिक रुपमा सेवा संचालनमा लाएको छ । एक कार्यक्रमकाबीच शनिवारदेखि विशेषज्ञसहितको सेवा सुरु गरेको हो ।

शहीद मेमोरियल अस्पतालमा हाल फोर डि रंगिन मेसिनद्वारा जिल्लामै पहिलो पटक कलर डाेप्लर, कलेजोको स्क्यान, १८–२२ हप्ताको गर्भवती महिलाहरुको रंगिन अनोमिलिल स्क्यान सेवा उपलब्ध गराउने छ । २४ घण्टा अत्याधुनिक मेसिनद्वारा ल्याव परिक्षण सेवा, १ घण्टामा पिसाव, सुगर, थाईराइड जाँचको रिपोर्ट आउने छ ।

छ सय एम एक्सरे मेसिनबाट डिजिटल एक्सरे सेवा प्रवाह गरिने अस्पतालले जनाएको छ । सोहि अस्पतालको उद्घाटन समारोहमा नीलकण्ठ नगरपालिकाका नगर प्रमुख भिमप्रसाद ढुंगानाले सहिद मेमोरियल अस्पताल सञ्चालन भएसँगै धादिङ अस्पताललाई चुनौति थपिएको बताएका छन् ।