काठमाडौं, २३ चैत । रु रु जलविद्युत परियोजनाको आईपीओमा आइतवारसम्म ९ लाख ३५ हजार ४८७ जनाले आवेदन दिएका छन् । सिडिएस एण्ड क्लियरिङका अनुसार आइतवार साझ ५ बजेसम्म यी आवेदकहरुले १ करोड ३६ लाख ४५ हजार ६७० कित्ताका लागि आवेदन दिएका छन ।
तेस्रो दिनसम्म मागभन्दा ३५. ९९ गुणा बढी आवेदन परेको हो । पहिलो चरणमा आयोजना प्रभावित स्थानियमा आईपीओ जारी गरिसकेको यस कम्पनीले दोस्रो चरणमा आम सर्वसाधारणका लागि आईपीओ विक्री खुला गरेको हो ।
यसअघि कम्पनीले फागुन ७ गतेदेखि २१ गतेसम्म आयोजना प्रभावित गुल्मी जिल्लाको चन्द्रकोट गाउँपालिका वडा नं. ६ र ७ का स्थानीयहरुका लागि ४ लाख ७ हजार ७०५ कित्ता आईपीओ विक्री गरी चैत ९ गते बाँडफाँट गरेको छ ।