काठमाडौं । गैरआवासीय नेपाली संघ (एनआरएनए) का महासचिवका उम्मेद्वार बुद्धि सागर सुवेदीले राष्ट्रिय समन्वय परिषद्हरूलाई व्यवस्थित, सक्षम, सबल र क्रियाशील बनाउन सकेमा मात्र अन्तर्राष्ट्रिय समन्वय परिषद् बलियो हुने बताएका छन् । यही बुझाइलाई कार्यान्वयन गर्न महासचिवमा आफ्नाे उम्मेदवारी रहेकाे सुवेदीले बताए ।
एनआरएनए अमेरिकाकाे पूर्वअध्यक्ष सुवेदी विभिन्न देशमा रहेका गैरआवासीय नेपालीहरूसँग भेट गरि साेमबार नेपाल फर्किएका छन् । अध्यक्षमा निर्वाचित भएपछि एनआरएनए अमेरिकाको पहिलो बैठकमा नै मैले भनेको थिए सस्तो लोकप्रियता र आकर्षक भाषणका लागि कार्यालय भवन खरिदको विषय उठाउने छैन । काम गरेर प्रमाणित गर्नु पर्छ ,´ उनले भने,
मेरो कार्यकालमा संस्थालाई कुनै आर्थिक व्ययभार नछोडी करिब २ लाख ९२ हजार डलर अर्थात ३ करोड ७५ लाख रुपैयाँमा कार्यालय भवन (अफिस कन्डोमिनियम) खरिदको काम सम्पन्न भयो । राष्ट्रिय समन्वय परिषद्हरूलाई व्यवस्थित, सक्षम, सबल र क्रियाशील बनाउन सकेमा मात्र अन्तर्राष्ट्रिय समन्वय परिषद् बलियो हुनसक्छ । यही बुझाइलाई कार्यान्वयन गर्न महासचिवमा उम्मेदवारी दिएको छु । यहाँहरूको साथ, सहयोग र मतको अपेक्षा गर्दछु ।´