विष्णु पाण्डे–प्रबन्धनिर्देशक, समिट इभेन्ट प्रा.लि.

नेपाल ईन्टरनेशनल टुरिजम एक्सपो (एनआइटीई) यो निजी क्षेत्रले आयोजना गर्न लागेको एक्सपो हो । यही जुन १४ र १५ गते काठमाडौंमा हुँदैछ । विगतम नेपालको काठमाडौं, चितवन, पोखरा, लुम्बिनी मात्रै पर्यटकीय गन्तव्य थियो । त्यसपछि पदयात्रामा जाने हो । अब अहिले सबैतिर पर्यटकीय गन्तव्य विस्तर भइरहेको छ । गाउँगाउँमा सामुदायिक होमस्टेहरु खुलेका छन् । पाँच तारे होटल नै इलाम, मेची, नेपालगञ्ज, सुदूरपश्चिम धेरै तिर खुलेको छ । गन्तव्यहरु पनि विस्तार हुँदै गएको छ ।

विदेशमा हुने यस्ता ट्राभल फेयरहरु डब्लुटिएम लण्डन, आइटीबी बर्लिन, फिटुर, साट्टे, ओटिएम एउटा प्लेटफर्म हो । जहाँ सबै मानिसहरु भेला भएर व्यवसाय प्रवद्र्धन गर्छन । पर्यटन भनेको बिजनेश एक्सचेञ्ज गर्ने हो, सँगै आइडिया र लिङ्क एक्सचेञ्ज गर्ने हो । र, त्यसपछि पछि बिजनेश दिने हो । त्यस्तै एउटा प्लेटफर्म जुन १४ र १५ मा हामीले काठमाडौंमा आयोजना गर्दैछौ ।

एकै ठाउँमा होटल, एभिएसन, ट्राभल, टुर, ट्रान्सर्पोट, र्याफटिङ, प्याराग्लाइडिङ, बञ्जी सबै व्यवसायी एक ठाँउमा भेला भएर आफ्नो प्रोड्क्टका बारेमा भन्ने र बुुझाउने माध्यम हो । जहाँ भारत, बंगलादेश, चीन, भुटान, भियतनाम, थाइल्याण्ड, अजरबैजान, टर्की, मलेसिया लगायतका देशबाट एउटा बायर बनेर आउछन् । जसले नेपालको टुर प्याकेज सेल गरिरहेका छन् । उनीहरुले यहाँको गन्तव्य र सेवाबारे बुझ्ने छन् भने उनीहरुको आवश्यकता पनि भन्ने छन् ।

मानौं दुबईबाट शेख नोपल घुम्न आयो भने उसले के चाहन्छ । मेरो क्लाइन्टलाई यो–यो सेवा सुविधा चाहिन्छ तिमीले दिन सक्छौ भनेर हामीलाई सोध्छन् । उनीहरुले त्यसरी बिजनेश एक्सचेञ्ज गर्छन । त्यो प्लेटर्म हामीले एक्सपो मार्फत क्रियट गर्न खोजेको हो । जुन कुरा हामी व्यवसायीहरु विदेशमा गएर आफ्नो प्रोडक्टबारे भन्थ्यौ भने अब बिदेशीलाई नै यहाँ ल्याएर आफ्नो प्रोडक्टबारे भन्ने अबसर हो ।

यसका लागि हामीसँग १ सय २८ वटा स्टल छ । आजको दिनसम्म ११८ वटा बुक भइसकेको छ । अझै केही दिन बाँकी छ । १२०–१२२ जना बायर आउनु हुन्छ । ७० जति आन्तरिक स्टल हुनेद्धन् बाँकीमा विदेशी छन् । जसले नेपाललाई बेस बनाएर टुर प्याकेज सेल गर्दै आउनुभएको छ र गर्न चाहनु हुन्छ, उनीहरु अहिलेको नेपालको पर्यटन गन्तव्य र अन्य अवसथबारे बुझ्नु हुनेछ ।

यसका साथै यहाँको सम्भावना र पर्यटन प्रवद्र्धन गर्न सरकारले ल्याएको नीतिबारे समूहगत छलफल पनि गछौं । माइस, एड्भेञ्चर र सस्टेनेबल टुरिजमबारे समूहगत छलफल हुनेछ ।

हाम्रो मुख्य भनेको बायर बाहिरबाट ल्याउछौ. । जस्तो विगत लामो समयदेखि म भारतमा मार्केटिङ गर्न गइरहेको छु । अहिले मेरो कम्पनीले भारतमा टुर सेल गर्छ । यस्तै मेरो साथी जो नेपाल मात्रै टुर बेच्थ्यो । उ त्यहाँ आएपछि लिङ्ंक एक्सचेञ्ज हुन्छ । व्यववसायीले जहिल्य पनि अबसर खोजी रहेका हुन्छन् । जुन देशमा गएर वस्तुस्थिती बुझ्यो त्यहाँको पर्यटन प्रवद्र्धनमा टेवा पुग्ने हो । त्यसकारणका लागि विदेशीहरुलाइृ नेपाल ल्याउछौं । अर्को आन्तरिक पर्यटन प्रवद्र्धन पनि हो ।

राराको २–४ जना व्यवसायी आउनेछन् । पाल्पाबाट नगरपालिका नै आउदैछ । त्यहाँका होटल व्यवसायीहरु आउछन् । उनीहरुसँग यसबारे तपाइले बुझ्न पाउनु हुने । त्यो भयो भने ट्राभल कम्पनीहरुले घुम्नलाई प्रोत्साहन गर्न सक्छन । टुरिजमलाई डिसेन्ट्रलाइज गर्ने अबसर मिल्छ ।

(पाण्डेसँग कुराकानीमा आधारित)