नुवाकोट । वैशाख ३० मा हुने स्थानीय तह निर्वाचनमा नुवाकोटको बेलकोटगढी नगरपालिकाको मेयरमा युवा तथा समाजसेवी, पिपल चौतारी युवा क्लवका अध्यक्ष सोम तामाङले आमूल परिवर्तन मसिह पार्टीबाट उम्मेदवारी दिएका छन् ।
स्थानीय क्षेत्रको विकासका लागि युवा नेतृत्व खाचो रहेको भन्दै उनले उम्मेदवारी दिएका हुन । मेयरका दावेदार तामाङ बेलकोटगढी नगरपालिका वडा ४ सालखर्क,नुवाकोट स्थानिय हुन । उनले विगत लामो समयदेखी बेलकाेटगढिकाे विकासमा काम गर्दै आएका छन् ।
उनकै पहलमा अहिले नगरपालिकाको दियालेमा खानेपानी परियोजना सञ्चालन भैरहेको छ । यसबाट नगरपालिकाका ६७ घरपरिवार लाभान्वित हुनेछन् । यस्तै सालखर्क र आसपासको क्षेत्रको विकास र समृद्धिका लागि उनकै पहलमा स्थानीय युवाहरूलाई जेसिवि मेसिनसमेत प्रदान गरिएको छ ।
यी बहेक उनले स्थानीय स्तरमा हुने विकास निर्माण, शिक्षा, स्वास्थलगायतमा पनि सहयोग गर्दै आएका छन् । कोरोना महामारीको समयमा पनि उनले स्थानीयलाई आवश्यक सहयोग प्रदान गरेका थिए ।