काठमाडौं । पदयात्रा व्यवसायीहरुको छाता संगठन ट्रेकिङ एजेन्सिज एसोसिएसन अफ नेपाल (टान) को महासचिवमा राम बन्जराले उम्मेदवारी घोषणा गरेका छन । टानकाे वर्तमान कार्यसमिति सदस्य एवम अन्तर्राष्ट्रिय सम्बन्ध समितिका संयोजक बन्जराले सामाजिक संजाल मार्फत महासचिवमा उम्मेदवारी दिने घोषणा गरेका हुन ।

टानकाे बार्षिक साधारणसभा एवम निर्वाचन भदौ १७ गतेका लागि घोषणा गरिएसँगै टान निर्वाचनलाई लिएर यतीबेला पर्यटन बजार तातेको छ।

हिमालय ल्यान्ड ट्रेक्स एन्ड एक्सपिडिसनकन प्रबन्धक निर्देशक बन्जराले निर्वाचन लक्षित भेटघाटलाई तिब्र पारेका छन । कार्यसमिति सदस्यमा रहेर काम गर्दा टानलाई नजिकबाट नियाल्ने मौका पाएको भन्दै अब महासचिवमा रहेर पर्वतीय पर्यटनको विकासमा काम गर्न चाहेको बताएका छन् ।

महासचिवमा उनीसहित एक दर्जनले आकान्क्षा देखाएका छन । तर उनले टानलाई राजनीतिक अखडा बनाउन नहुने भन्दै सबैको साझा उम्मेदवार बन्ने योजना अनुसार भेटघाट तिब्र पारेका छन । पुराना व्यवसायी र केही पुर्व अध्यक्षहरुले समेत अघि बढ्न सुझाव दिएका छन । वर्तमान कार्यसमिति समेत रहेर काम गरेको र युवा समेत रहेकाले उनलाई बलियो दाबेदारको रुपमा लिइएको छ ।