काठमाडौं, २५ चैत । नयाँबर्षको पूर्वसन्ध्यामा यही चैत्र २८ गते नयाँबर्ष शुभकामना आदानप्रदान तथा चियापान कार्यक्रमको आयोजना गरिएको छ। नुवाकोटबासीलाई एकताबद्ध गराएर भाईचाराको सम्बन्ध अभिबृद्धि गर्ने र आपसी सम्बन्धलाई मजबुत बनाउने उदेश्यस्वरुप ‘एन्जीलिला शिवशक्ति ट्रष्ट’ ले चियापानको आयोजना गर्न लागेको हो ।

नुवाकोटको विकास र सामजिक रुपान्तरणका क्षेत्रमा काम गर्ने उदेश्यले स्थापित उक्त ट्रष्टको शुभारम्भ पनि सोही दिन गरिने छ। गन्तव्य नेपाल ग्रुपका अध्यक्ष तथा नुवाकोट कांग्रेसका नेता शिव अधिकारी अबिरलको नेतृत्वमा स्थापना हुने उक्त ट्रष्टको उद्घाटन नेपाली कांग्रेसका सहमहामन्त्री प्रकाशशरण महतले गर्नेछन ।

कार्यक्रममा बिशेष अथितिका रुपमा नेपाली कांग्रेस नुवाकोटका सांसद बहादुर सिंह लामा तामाङ, नुवाकोट घर भई हाल बिभिन्न पेशा व्यवसायका क्रममा काठमाण्डौमा रहेकाहरु सहभागि हुने बताइएको छ।

कार्यक्रम माछापोखरीस्थीत नागार्जुन पार्टी प्यालेसमा बिहान ११ बजेबाट सुरु हुने छ ।