काठमाडौं। अन्तर्राष्ट्रिय मुद्रा कोष (आइएमएफ)ले विस्तारित कर्जा सुविधा (इसीएफ) अन्तर्गत नेपाललाई ५ करोड २८ लाख अमेरिकी डलर (६ अर्ब ९० करोड रुपैयाँ) दिने निर्णय गरेको छ।

कोषको सोमबार वासिङट्न डीसीमा भएको बोर्ड बैठकले निर्णय गरेको हो। २०७८ पुस २८ गते एक्सटेन्डेड क्रेडिट फ्यासिलिटी अन्तर्गत कोषले नेपाललाई ३९ करोड ८५ लाख डलर दिने निर्णय गरेको थियो। उक्त निर्णय अनुसारको यो दोस्रो किस्ता हो। झण्डै एक वर्षपछि कोषले दोस्रो किस्ता दिने निर्णय गरेको हो।