२०७७ श्रावण २३

भारतमा अपराधी पक्रन गएका डीएसपीसहित ८ प्रहरी मारिए

काठमाडौं, १९ असार । भारतमा बिहीबार राति एक कुख्यात अपराधी पक्राउ गर्न गएको प्रहरी टोलीविरुद्ध अन्धाधुन्ध गोली प्रहार हुँदा डीएसपीसहित ८ प्रहरीको निधन भएको छ भने कैयौं घाइते भएका छन्। अहिले घटनास्थलमा व्यापक प्रहरी परिचालन गरिएको छ। भारतीय सञ्चारमाध्यमका अनुसार अबेर राति कुख्यात अपराधी विकास दुवेलाई पक्राउ गर्न कानपुरको चौबेपुर थाना क्षेत्रका दिकरु गाउँमा पुगेको प्रहरीको टोलीलाई आपराधिक समूहले अन्धाधुन्ध गोली बर्साएको हो।

 

 

त्यस क्रममा गोली लागेर डेप्टी एसपी देवेन्द्र मिश्रा, तीन सब–इन्स्पेक्टर र चार कन्स्टेवलको मृत्यु भएको कानपुर राज्य प्रहरीका महानिर्देशक हितेषचन्द्र अवस्थलीले बीबीसी हिन्दीलाई जानकारी दिएका छन्। पुलिसको टोली पुग्नेबित्तिकै उनीहरूले छतबाट गोली हान्न सुरु गरे। घटनामा प्रहरी नायब उपरीक्षक (डीएसपी) देवेन्द्र मिश्र, तीन सब–इन्स्पेक्टर र चार कन्सटेवल मारिएका छन् ।

 

 

घाइते प्रहरीलाई कानपुरको रिजेन्सी अस्पताल भर्ना गरिएको छ। घटनाको विस्तृत विवरण आउन बाँकी रहेको र अनुसन्धान भइरहेको भारतीय प्रहरीलाई उधृत गर्दै भारतीय सञ्चारमाध्यमले जनाएका छन्। दुवेको टाउकाको मोल भारतीय प्रहरीले २५ हजार तोकेको छ। जिल्ला पञ्चायतका पूर्वसदस्यसमेत रहेका दुबेविरुद्ध ५३ अभियोग रहेको कानपुर प्रहरीले जनाएको छ।

Leave a Reply

Be the First to Comment!

Notify of
avatar
wpDiscuz
भिडियो
सम्पर्क कार्यालय,
Welcome Digital Pvt.ltd
Kathmandu, Kamaladi
सूचना तथा प्रशारण विभाग दर्ता नं: १६२४/०७६/०७७
Phone : 9851117401
Email : himalikhabar10@gmail.com
Editor :Shanker Prasad Pandit
Web : www.himalikhabar.com
www.himalikhabar.com All rights reserve 2016